![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Gladiator (títol orichinal en anglés, Gladiador en aragonés, enguerada en Aragón con o suyo títol orichinal en anglés) ye una cinta anglo-estausunidense de peplum dramatico-epico d'aventuras y acción de l'anyo 2000 dirichida por Ridley Scott seguntes un guión orichinal de David Franzoni, John Logan y William Nicholson basau en una historia de David Franzoni, con una Banda Sonora Orichinal de Hans Zimmer y Lisa Gerrard, una dirección de fotografía de John Mathieson y una producción cinematografica de Douglas Wick, David Franzoni y Branko Lustig ta las productoras DreamWorks Pictures, Universal Pictures, Scott Free Productions y Red Wagon Entertainment, con a participación como actors en os suyoa papels principals de Russell Crowe, Joaquin Phoenix, Connie Nielsen, Oliver Reed, Derek Jacobi, Djimon Hounsou y Richard Harris.
La cinta s'ambienta en l'Imperio Romano mientres o reinau de l'emperador Marco Aurelio en o sieglo II, centrando-se en a Hispania Betica, la ciudat de Roma, la provincia d'Africa y Norico, ye decir, en las actuals Espanya, Roma, Alcheria y Austria y se rodó en Anglaterra, Italia, Marruecos y Malta. Explica la historia d'o personache ficticio d'o cheneral Maximo Decio Meridio, a qui traiciona Comodo, fillo de Marco Aurelio, ta proclamar-se ell emperador en cuentas de Maximo y instaurar una dictadura personal, y la consiguient venganza de Maximo. Ye una cinta con muitismas nominacions y cuantos premios recibius, en destacando 5 Premios Oscar y atras 7 nominacions, 2 Premios Globos d'Oro (con 6 nominacions) y 4 Premios BAFTA, con atras 10 nominacions.
© MMXXIII Rich X Search. We shall prevail. All rights reserved. Rich X Search